Plantun de Prouvènço

Pèr coumpara dos planto d'encò nostre

Alchemilla saxatilis & Muscari neglectum

Pato-de-lioun(-de-roucas)

Alchemilla saxatilis

Rosaceae

Autre noum : Erbo-de-la-flaquiero.

Nom en français : Alchémille des rochers.

Descripcioun :
Aquelo pato-de-lioun trachis dins li roucaio e roucas séusous de mountagno. Fai partido dóu group ALPINAE que li tros de fueio soun deliéure quàsi fin qu'à la baso e proun argenta dessouto. Se recounèis e se destrìo dis autro dóu group que la cambo que porto li flour èi di proun longo amé de gloumerule de flour gaire proche.

Usanço :
Avèn pas d'entresigne segur sus aquelo planto. Tant se poudrié que si prouprieta fuguèsson li memo que li de Alchemilla alpina.

Port : Erbo
Taio : 15 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Alchemilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Si
Autour basso e auto : 1000 à 2200 m
Aparado : Noun
Jun à setèmbre

Liò : Roucas - Roucaio - Tepiero seco
Estànci : Subremediterran à Aupen
Couroulougi : Ouroufito-Sud-Éuroupenco
Ref. sc. : Alchemilla saxatilis Buser, 1891

Barralet

Muscari neglectum

Asparagaceae Hyacinthaceae

Àutri noum : Couquiéu, Couguiéu, Pourriòu, Aiet-di-chin.

Noms en français : Muscari en grappe, Muscari négligé.

Descripcioun :
Lou barralet flouris d'ouro à la primo e se recounèis eisa à si flouquet de bèlli flour bluio pu longo que larjo. Li fueio, un pau redouno, soun proun longo e rebalon au sòu ço que permes de lou destria de soun cousin, lou barralet-pichot, Muscari botryoides. Coumpara emé lou barralet-pichot que ié sèmblo proun.

Usanço :
B. Remuzat raporto : "L'a un peÏsan dóu Var que m'a di que, quand èro pichoun, si servié dei barralet pèr tigne en blu leis uou de Pasco". Li cabosso se manjon cuecho en liéume. Èi poussible de tasta li jóuini fueio e li flour.

Port : Erbo
Taio : 10 à 25 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Muscari
Famiho : Asparagaceae
Famiho classico : Hyacinthaceae

Ordre : Asparagales

Coulour de la flour : Bluio
Petalo : 6
Ø (o loungour) flour : 0,5 à 1 cm
Flourido : Printems Ivèr

Sòu : Ca
Autour basso e auto : 0 à 1800 m
Aparado : Noun
Febrié à jun

Liò : Champ - Roucaio - Ermas - Tepiero seco
Estànci : Termoumediterran à Mountagnard
Couroulougi : Eurimediterrano
Ref. sc. : Muscari neglectum Guss. ex Ten., 1842

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Alchemilla saxatilis & Muscari neglectum

ges

Coumpara Pato-de-lioun(-de-roucas) emé uno autro planto

Coumpara Barralet emé uno autro planto